First Time....

السلام عليكم ورحمة الله وبركاته
يمكن تكون دى اول مرة ليا انى اكتب حاجه عنى اون لين
بس انا حاسه انها تجربة جديده واكيد لذيذه وهاتفيدنى
انا ابتديت اكتب علشان فعلا نفسى الناس تشاركنى مشاركة وجدانيه من غير ما تكون حاطه فى خياليها حدود معينه لشخصيتى بمعنى انهم يقولوا رأيهم وافكارهم فى حاجت ممكن تكون اجتماعيه او حاجه تخصنى
==========================================================
يعنى مثلا ساعات الواحد بتعدى عليه اوقات بيبقى مش عارف هو عاوز ايه او حتى رايح فين "فترة توهان زهنى :)"
تحديد رايك ووجهة نظرك عن الناس والعالم المحيط واد ايه هو مأثر فيك بيخلى الانسان عليه حمل كبير انه يفكر صح ويحاول يختار مصيره يمكن علشان انا لسه صغيرة فى السن شوية لسه الواحد بيتخبط فى حاجات كتير وبيتصدم من الناس ويمكن من نفسه كمان لسه بيكتشف فى نفسه حاجات وبينمى حاجات وبيهدم حاجات كمان بيحدد مبادىء حياته الى هايمشى عليها طول عمره الجاى الى هو هايحدد مصيره لما بفكر فى الموضوع ده بحس ان بجد سبحان الله اد ايه ان فى ناس ممكن ما تكونش حاسه بنفسها وناسيه حالها وحياتها من قربها او بعدها عن ربنا
بمعنى ان ممكن الانسان يحط مبدأ فى حياته ممكن فى المستقبل يهد حاجات كتير والانسان شايفه صح كتير مننا او من الناس الى بشوفهم حواليا بيحب يحط فكرة معينه فى اتفاق جماعى انها صح ويمشى عليها على طول ممكن ما يكونش مقتنع بيها بس هو متاكد عن طريق الى حواليه بردوا انه صح يا ترى ليه فعلا زاد اوى دلوقتى اننا بنردد من غير ما نكون مقتنعين يمكن علشان الوحد بيصدق الى بيشوفه بس ما بقاش فى روحانيه فى التفكير وبقى الموضوع متجمد شويه يا ترى ده صحيح ولا انا فهمت غلط .....:)